Foto: Marotte Zitterd
Door de nog altied aafgekondigde euverheids-maotregele rondjom de Corona-pandemie en de daomit samehangende beperkinge is ‘t lang onzeker wie Vastelaovend 2022 geviert kènt waere. De meiste aktiviteite in ‘t veursezoen waere aangepas of noodgedwonge aafgelasj.
Vlak veur de Vastelaovesdaag kump esnog gruin leich wodoor toch 3 daag Vastelaovend geviert kènt waere, al is dat nog mit beperkinge.
Ridder in de Orde van de Pappegey:
Mevr. Betsie Donners
Meziek:
Sjlaager: De Zittesje Geis
CD: De Zittesje Geis
Optochte:
Oetsjlaag Groote Vastelaovesoptoch
Euverzich vastelaoveswaages
Bezunjerhede:
- Nao ein reorganezase bènne De Marotte waere in November bie de Wieze Raod van De Marotte 8 nuuj lede geinsjtalleiert.
- Op verzuik van De Marotte Zitterd sjrieve Sjohn Smeets, Thei Wessels en Guus Steinen same de Vastelaovessjlaager. ‘t Leidje mit es tittel ‘De Zittesje Geis’ wurt gezonge door versjillende Zittesje zèngesj
- Door de organezase achter De Greutsje Pin wurt ein leidje gemaak. ‘t Leidje ‘Greutsj’ wurt gezonge door Daeke Rob Merkx.
- ‘t Convent van Neit Prinse prizzeinteiert hun eige leidje ‘De Neit Prinse Repzooidie’
- De Zittesje duo’s Jesse & Jesse en Kwebbel & Sjnebbel sjtaon in de finale van ‘t LVK 2022.
- Door de onzekerhede veur Vastelaovend 2022 besjloete De Marotte Zitterd om dit sezoen geine Sjtadsprins oet te roupe.
- Regeierend Sjtadsprins Thierry I (Dirkx) wurt tiejes de Plök en Vaere zitting geplök.
- Veurmalig Vorst Marot Frits van Beek wurt door De Marotte benuimp pès Grootvors.
- Twee waeke veur de Vastelaovend kump gruin leich dat Vastelaovend geviert kènt waere, al is dat nog mit beperkinge.
- Ondanks de korte veurbereidingstied van nog gein twee waeke trek op Vastelaoveszondig de Optoch door de Zittesje sjtraote. Bie de optoch, dae trek euver ein alternatieve route, sjtaon de luuj rieje dik langs de kantj. De optoch wurt aafgesjlaote door de Prinsewaage mit Auwt-Sjtadsprins Thierry Dirkx.
- Gein tradisjoneel tröötekonkoer mit groot podium, mèr de Zittesje kapelle sjpele in en bie de Zittesje kafees.