Op vastelaoveszóndig 14 fibberwari vanaaf 11.11 oere prizzenteiert Tom Jessen op Radio Nónnevot de Zittesje vastelaoves TOP 111. De ruum 8 oere doerende marathonoetzending zal laif waere oetgezonje vanoet de Optochhal.
Dé lies mit allein de bèste vastelaovesleidjes oet Zitterd is door uch samegesjtèld. De aafgeloupe waeke is door 863 luuj gestömp op hun favoriete Zittesje leidjes. Om alvas in de sjtömming te komme zeen op de website van Radio Nónnevot alvas de nómmesj 111 pés 23 bekend gemaak. De bèste 2×11 nómmesj blieve ein verrassjing pès Vastelaoveszondig.
Wat kènt geer nog mee verwachte?
In de live oetzending die al pratsj vol zit mit sjpregitse maak geer mee es ens kans op ein tuute Nónnevotte (Wurt thoes gebrach!)
Op gepaste aafsjtand komme ein aantal gaste nao de optochhal wo-ònger Susanne Suijkerbuijk, René Haustermans, Peet van Erp, auwt vorst Frits van Beek en zeen d’r ein aantal leuke interviews op lokaase mit bekende Zitterder.
Leet Radio Nónnevot uniek materiaal heure en geit d’r ein nuuj nommer in premjaeir en nog mee en nog mee en nog vööl mee…
Sjtöm digitaal aaf op de live stream op de Facebook en YouTube pagina van Radio Nónnevot en zörg dat geer niks mis! Radio Nónnevot bringk uch de vastelaovend in hoes dit jaor!
Bron: Radio Nónnevot
Foto: Radio Nónnevot
