Vastelaovesposter ‘Geer zeet vastelaovend’

2021

Tiejes eine aovend sjminke begonne de vrundjinne Felice, Sanne en Ingrid get te druime en nao te dènke… ’t Gek gevuil om mit de Vastelaovend geine optoch te kènne kieke en neit mit vrundjinne verkleid en gesjmink de sjtad in te gaon. Gein gesjoekel en flauwekul, gein pekske aan en gein gesjmink sjnuutje.

Opèns waar dao ’t idee! Wat zawwe ze gaer ein sjtökske Vastelaovend bie de luuj thoes brènge. Kleur gezèlligheid en fees! Zo ontsjtong ’t idee om eine Vastelaovesposter oet te brènge. Same zeen zie aan de sjlaag gegange om eine poster te make om Vastelaovend dit jaor neit zo-mèr veurbiej te laote gaon. Mit dank aan väöle luuj en bedrieve is ’t gelök om de Vastelaovesposter te realizeiere. Fotograaf Rockateer haet de foto’s van de vrundjinne gemaak veur oppe poster.

’t Rizzeltaat is eine kleurrieke poster dae de Vastelaovend oetsjtraold. Wie de dames ’t zellef omsjrieve: “‘T geveul van vastelaovend, det veer allemaol zo hel missen, det geveul, det höbbe veer veur uch proberen te vange in dit prachtige plaetje! Veer vinje ‘t zelf meer den geslaagd, geer haopelijk ouch!”.

De poster is gedrök in ein oplage van 10.000 exemplare en is vanaaf donderdig 5 fibberwarie door ganse provincie verkriegbaar. In Zitterd is de poster verkriegbaar op de volgende plaatsje:
– Coffee Mundo (locatie Markt)
– Ambachtelijke schoenmakerij Luchies
– ‘t Versströätje
– Kafee de Kup
– Rölkes -1645-

Mee infermase en alle aafhaolpunte door de ganse provincie zeen te vènje oppe faceboukpagina van Luna Events en Sôkkertantes Paintertainment

Bron: Luna Events / Sôkkerttantes Painerment
Foto: Rockateer