In aanloup nao de Vastelaovend sjtaon tradisjoneel versjèllende zittinge op ’t pregram. Ein van dees zitting is de Seniorezitting die De Marotte Zitterd organezeiere in samewirking mit De Zonnebloem. De seniorezitting sjteit garant veur eine gezèllige middig veur de seniore oet Zitterd en omgaeving, mit ein pregram vol kolder en meziek van Limburge artiste. Bie bènnekoms waere de bezuikesj perseunlik wilkom geheite door Vors Marot en de regeierende Sjtadsprins.
In 2020 vonj in eine oetverkochte grote zaal van Zittesje Sjtadssjouwburg de Domijnen de 11 Seniorezitting plaatsj. Door De Zonnebloem Regio Carboonland zeen opnames gemaak van dees zitting. Zo kènt nog èns waere trök gekeke nao beelde van De Marotte mit Sjtadsprins Thierry I, De Marottekapel en de optraës van o.a. Kindcentrum Sittard, Ger Frenken, Beppie Kraft, Koerasj, Don Kiesjot en Cristel & Quinn.
Vastelaovend toes oppe bank:
- Zittesj Vastelaovesleidjes Konkoer
- Vastelaovesleidjes
- Opbrènge Sjtadsprins
- Grosse Nómmer Auw Prinse
- Seniorezitting
- Trök in de Tied: Kènjerzitting
- Trök in de Tied: Zittesje LVK finaliste
- Kènjeroptoch
- Vastelaovend oet de Auw Doos
- Auw Wieverbal
- ’t Kanon van ’t Balkon
- Groote Vastelaovesoptoch
- Tröötekonkoer
- Sjörkarre Optoch
- Appelesienesjmiete
