Door de nog altied heersende Coronapandemie en de daomit samehangende euverheidsmaatreigele zal de Vastelaovend in 2021 gans angesj zeen. Eine vastelaovend zonger zittinge en optochte, geine nuuje Sjtadsprins, gein evenemènte en gein Vastelaovend viere oppe sjtraot. Om mit de tittel van de jubbelei sjlaager oet 2003 te sjpraeke:”’t Haw zo sjoon kènne zeen……..”.
Ondanks dat Vastelaovend dit jaor neit same gevierd kènt ware, wurt ’t toch geweun vastelaovend.
Mèr wat kènt dan waal? Toes oppe bank nog èns geneite van beelde van d’n eeuwen-awwe Zittesje Vastelaovend en ’t gevuil van Vastelaovend. Dit in de haop dat Vastelaovend in 2022 weier groots same oppe sjtraot geviert kènt gaon waere.
De kommende waeke numme veer uch onger ’t motto ‘Vastelaovend toes oppe bank’ mit trök in d’n tied mit beelde van de Zittesje Vastelaovend oet de auw doos en mee recente jaore. Beelde van Vastelaovesleidjes pes ’t Kanon van ’t Balkon en van Zittinge pés de Zittesje optochte.
Vastelaovend toes oppe bank:
- Zittesj Vastelaovesleidjes Konkoer
- Vastelaovesleidjes
- Opbrènge Sjtadsprins
- Grosse Nómmer Auw Prinse
- Seniorezitting
- Trök in de Tied: Kènjerzitting
- Trök in de Tied: Zittesje LVK finaliste
- Kènjeroptoch
- Vastelaovend oet de Auw Doos
- Auw Wieverbal
- ’t Kanon van ’t Balkon
- Groote Vastelaovesoptoch
- Tröötekonkoer
- Sjörkarre Optoch
- Appelesienesjmiete
Foto: VastelaovendZitterd – RBZitterd
