Radio Nónnevot, 24oere per daag Zittesje Vastelaovesmeziek

2021 Meziek
Radio Nónnevot, ein iniatief van Marc Webers (l) en Ruud Meuwissen (r)

Op nuutjaorsdaag is ein nuuj initiatief gesjtart: Radio Nónnevot. Radio Nónnevot is ein initiatief van Marc Webers en Ruud Meuwissen veur de promotie van de vastelaovesmeziek in ‘t algemein en de Zittesje Vastelaovesleidjes in ‘t biezunjer. Zitterd is riek aan meziek mit väöle leidjes van vruiger en noe, die ’t verdeine mee te beloestere te zeen oppe radio.

Via de online radiozender van Radio Nónnevot is 24oere per daag allein mèr Zittesje Vastelaovesmeziek te beloestere, dit aangevuld mit allein de allebèste meziek oet Limburg.

“Vanaaf 1 jannewarie flöt biej ós de kanarie, op Radio Nónnevot,”

Radio Nónnevot is veur jeederein gratis te beloestere via www.radiononnevot.nl. en via versjèllende radiostreamingsplatforms. Taeves is radio Nonnevot te beloestere via de gratis app in de Applestore en bènnekort via de app in de Playstore.

Foto: Facebook Radio Nónnevot