Radio Nónnevot is trök

2022 Meziek

Op de 11de van de 11de is Radio Nónnevot weier gesjart mit oetzénde. Pès essjelegoundig kènt 24 oere pér daag geloesterd waere nao Zittesje Vastelaovesmeziek van vruiger en noe.

Nao ’t grote sukses van aafgeloupe sezoen höbbe de initiatiefnummesj Marc Webers, Anne-Marie Webers en Ruud Meuwissen besjlaote dat Radio Nónnevot dit jaor ein vervolg krig om, in dizzen nog altied onzekere tied, ’t Vastelaovesgevuil bie de luuj thoes in de woonkamer te brènge.

Naeve de oetzendinge via de website geit Radio Nónnevot dit jaor ein aantal podcasts oetzende. Zo geit Sam Verbeek, lid van de Wieze Raod van de Marotte, podcasts make euver alles wat mit Vastelaovend te make haet en geit René Haustermans in ein serie podcasts “De plaat ein zien verhaol” op zuik nao ’t verhaol achter Zittesje Vastelaovesleidjes.

Radio Nónnevot is 24oere per daag te beloestere via de website (www.radiononnevot.nl) en via de gratis app veur oppe tillefoon.

Website: Radio Nónnevot
Facebouk: Radio Nónnevot
Soundcloud: Radio Nónnevot

foto: Radio Nónnevot