Jesse & Jesse in de 3e hauf finale van ‘t LVK

2021 Meziek

Wie bekènd zeen door de heersende Coronapandemie dit jaor bienao alle Vastelaovesaktiviteite aafgelasj. Ein van ‘t weinige dat dit jaor waal door zal gaon is ’t LVK. Wènt oppe sjtraot of thoes oppe bank, Meziek heurt bie Vastelaovend.

In de drie hauf-finales van ’t LVK sjtaon dit jaor in totaal 45 leidjes. Bie dees 45 leidjes zit oetkómmend veur Zitterd ’t duo Jesse & Jesse mit ’t door Thei Wessels gesjreve leidje ‘Laot ós in de sjteek’. Jesse & Jesse sjtaon in de driede hauf-finale es nómmer 45.

De hauf-finales van ’t LVK zeen dit jaor allein te beloestere via L1 Radio. De driede hauf-finale van ‘t LVK wurt oetgezonje op vriedig 22 Jannewari tössje 18.00 en 20.00 oer en wurt herhaalt op zaoterdig 23 Jannewari tössje 13.00 en 15.00oer.

Geer kènt Jesse & Jesse sjteune op waeg nao de finale door te sjtömme.
SMS: LVK [sjpaasie] 45 nao 4004
Sjtömme kent op vriedig 22 jannewari tössje 19.30 en 19.50oere of op zaoterdig 23 Jannewari tössje 14.30 en 14.50oer. Per tillefoonnómmer kent mèr eine keer waere gesjtömp.

Foto: Jesse & Jesse