Op 20 december jl. is op 77 jaorige laeftied Ben Bartholomeus, Grootvorst van De Marotte Zitterd, euverleje.
Ben haet De Marotte Zitterd en de Zittesje Vastelaovend van kortbie lere kènne toen in 1997 zoon Michiel es Sjtadsprins euver ’t Marotteriek regeierde. In 1998 woort Ben door toenmalig Marotte veurzitter Hen Wijnands gepols om Vorst Marot te waere.
In Jannewarie 1999 woort Ben geinsjtalleiert pès Vorst Marot. Es Vors Marot haet Ben zeve Sjtadsprinse oetgeroupe mit achtereinvolges Frank II (Göttgens), Roel III (Cox), Raphaël I (Claessens), Cyriel II (Schaeks), Ruud I (Meuwissen), Bart I (Janssen) en Roger I (Bormans).
In zien periode es Vors Marot haet Ben gezörg veur ein flinke verjonging bènne de Wieze Raod van De Marotte. Ein van de hoogtepunte waar de viering van ’t jubbelei 11×11 jaor Marotte in de sjporthal mit oa de finale van ’t LVK.
Nao zien aaftraë es Vors Marot in 2006, woort Ben door De Marotte benuimp pès Grootvorst. In dees functie bleef Ben actief bènne De Marotte en waar hae o.a. vervangend Vorst Marot bie aktiviteite euverdaag.
Naeve De Marotte Zitterd waar Ben president en later ere-president van de Philhermenie en lid van väöle vereiniginge en sjtichtinge.
Foto’s: Arjan Krijntjens / De Marotte Zitterd
