De Pappegey in ’t archief De Domijnen

2021

De Pappegey, gans vruiger De Pappegei, is de offesjeel gazèt van Sjtadsvastelaovesvereiniging De Marotte Zitterd. Jaorliks wurt de Pappegey oetgebrach op de zaoterdig veur de kènjeroptoch, ein waek veur de Vastelaovend. In de Pappegey sjteit ’t Vastelaovespregram, de nuuje Sjtadsprins, lokale reklaam en väöle verhaole ‘mit eine korrel zout’. De Pappegey wurt gans gesjreve in ’t Zittesj plat.

In vruiger jaore haw de Pappegey jaorliks ein nuut motto. ’t Motto van 1936 waar: “Krisis zal vergaon, Vastelaovend blif beschtaon”!  Ein erg toepasselik motto veur dizzen tied.

  • In 1926 waar Vastelaoveszondig, net es dit jaor,  op 14 Fibberwarie
  • Aanraojer: 1935, ein verhaol, euver ein vorstendom van ‘plezeier’.
  • Tip: Haol insperase veur Vastelaoveskleijaasj oet de Pappegey van 1947. Dees haet op pagina 4 ein verhaol ‘euver gans vruiger’.

In ’t online archief van De Domijnen zeen noe 18 edisies van de Pappegey, oet de eesjte hèlf van de veurige eeuw, te bekieke.  Ein sjoon sjtökske Zittesje Vastelaoveshistorie!

Bron: De Domijnen
Foto: Archief De Domijnen