Dit jaor mót de Vastelaovend noodgedwonge thoes oppe bank waere gevierd. Door ’t hoes en ‘t vinster te verseiere kènt geer ’t hoes en de sjtraot in Vastelaovessfeer brènge. Om ‘t verseiere van hoes en mitname ’t vinster te sjtimuleiere gaon De Marotte op zuik nao ’t Sjoonste Vastelaovesvinster van Zitterd.
Wèlt geer mitdoon? Verseier dan op eur eige en vrie meneier eur vinster mit es thema: Vastelaovend! En wae wit höb geer sjtraks waal ’t Sjoonste Vastelaovesvinster van Zitterd!! Bie dees wedsjtried zeen leuke prieze te winne.
Mitdoon:
Maak van eur vinster ein dudelikke foto en sjik dees same mit vermeljing van eure naam, adres en tillefoonnómmer per e-mail nao: vinster@marotte.nl
Inzendinge kènne pès uterlik zóndig 7 fibberwari waere ingeslik. Ein jury zal alle inzendinge beoordeile. Op vastelaoveszóndig 14 fibberwari wurt de oetsjlaag bekènd gemaak oppe site van De Marotte Zitterd en via Social Media.
Mit ’t insjikke van eur foto gaef geer De Marotte Zitterd toesjtömming óm inzendinge te publiseiere.
Bron: De Marotte Zitterd
Foto: VastelaovendZitterd – RBZitterd
