De Greutsje pin 2022

2022
De Greutsje Pin 2022, ein ontwerp van Marc Webers

Op de 11de van de 11de is De Greutsje Pin 2022 geprizzenteiert. De Greutsje Pin is ein sjpèngske dat jeedere Vastelaovesgek op ziene revaer of patsj kent sjtaeke es teike dat hae greutsj is op de Vastelaovend.

De Greutsje Pin 2022 haet ein gelimiteierde oplage van 2022 en is ontworpe door Marc Webers van Studio marq. De opbrengs geit rechsjtreeks nao de vereiniginge die De Greutsje Pin verkoupe. ’t Doel van sjtichting De Greutsje Pin is om dit jaor €10.000,- biejein te brènge veur de lokale vereiniginge.

Verkoup
De Greutsje Pin, dae €5,- kòs, is te besjtèlle via de website van De Greutsje Pin en is rechsjtreeks te koup bie de deilnummende vereiniginge. Via de website van De Greutsje Pin zeen taeves nog ein beperk aantal exemplare van De Greutsje Pin oet veurige jaore te koup.

Bron: De Greutsje Pin
Foto: De Greutsje Pin