Wim Clerx benuimp pès erelid van De Marotte

2020

Tiejes ’t Finale Sjpektakel van Sjtadsvastelaovesvereiniging De Marotte Zitterd is op veurdrach van de Wieze Raod, Wim Clerkx door Vors Marot Jan I benuimp pès erelid van de ein-nao auwste Vastelaovesvereiniging van Limburg.

3×11 jaor
Vors Marot Jan I prees Wim om zien väöle verdeinste veur de samelaeving, d’n eeuwen-awwe Zittesje Vastelaovend en De Marotte in ’t bezunjer. Wim Clerkx is 3×11 jaor es lid aktief gewaes op väöle fronte veur De Marotte. Hae sjtong aan de basis van väöle inisjatieve. Wim vervulde väöle functies en take bènne en boete de vereiniging. Hae waar besjtuurslid, (vice-)veurzitter, prizzentator en lid van versjèllende kemissies (pregram, tröötekonkoer, Zittesje Vastelaoves 6-Daagse en de jubbelei 111, 11×11 en 12x11jaor De Marotte) en fondsenwerver bie de sjponsorgrop Societé de Marotte.

Daenaeve is hae oprichter, ex-muzikant (deipe trom), penningmeister en boetegeweun lid van Sjtadskapel ’t Trumke en ’t Tröötje, initiator en grote sjtimulator jaorlikse carnavalsaovend Basis sportinstuif gehandicapten en initiator en mede prizzentater van ’t Kanon van ’t Balkon. Hae waar aktief in väöle jubbeleikommitees o.a. Optochkommitee, Marottekapel, Koelköp Sanderbout, Nonnevotteklup, Dörpelmaeg en Buurt Riekswaeg Zuid. Ouch is hae besjtuurslid van ’t Galaprinsebal.

In 2004 woort Wim veur zien väöle verdeinste benuimp pés Ridder in de Orde van de Pappegey. Veurig jaor ontvèng hae de Orde van Verdeinste van de Samewirkende Limburgse Vastelaovesvereiniginge (SLV).

Bron: De Marotte Zitterd
Foto: Ton Dirkx, Sittard