Sjtadsprins Thierry I verzörg aaftrap bie Fortuna

2020

Op 18 Jannewarie jl. is Thierry Dirkx geinsjtalleiert es 89e Sjtadsprins van Zitterd. Vanaaf dat moment sjtarte ein periode wo in hae wènnig rös zal kriege. De meis oeteinloupende take, samehangend mit zien functie, haet Thierry ongertössje in ziene agenda gesjreve. Wènt wat väöle neit weite is dat de Marotte mit prins en gevolg väöle bezuikskes brènge aan vereiniginge, (basis)sjole, kranke, bejaarden, meziekgezelsjappe, koren en nog väöl mee. Dat maak Vastelaovend in Zitterd uniek en waardevol. Die klein bezuikskes brènge de luuj väöl vreugde of doon zelfs de eelènj aeve vergaete. Gans waardevol en dankbaar veur ein Marotteprins.

Gelökkig is d’r baekervoetbal!
Ein van de aafsjpraoke die de Sjtadsprins genoteiert haet sjtaon is de voetbalwedsjtried Fortuna taege Feyenoord op daensdigaovend 21 Jannewari. Al mot gezag waere dat dees wedsjtried al in ziene agenda, wènt Thierry is al väole jaore eine vaste supporter mit sezoenskaart van Fortuna Sittard. Aeve dach hae dat hae in zien sezoen geine aaftrap koosj verrichte. Bie de wedsjtreid taege Vitesse waar hae nog neit geinsjtalleiert en tiejes de anger thoes wedsjtrieje van Fortuna sjtonge al anger verplichtinge op ‘t pregram. Gelökkig heilpe de sjpelesj van Fortuna ein hendje door zich te kwalificeiere veur de achtste finale van de KNVB-baeker. En dus haet Sjtadsprins Thierry de eer om op de middesjtip en in ’t leich van de maetesjhoge leichmaste van ’t Fortuna stadion de aafstrap van deze wedsjtreid te verrichte. Veur Thierry ein neit alledaagse taak. Mènnig supporter op de tribunes zal waarsjienlik sjeloes zeen en haope om ooit éns Sjtadsprins te waere om dan de aaftrap te mage verzörge!

Bron: De Marotte Zitterd
Foto: Ton Dirkx