Sjtadskapel ‘t Trumke en ‘t Tröötje ‘SAME’

2021 Meziek

Sjtadskapel ’t Trumke en ’t Tröötje haet in samewirking mit sjriever/componis Reinhard Wind ‘t leidje ‘Same’ opgenomme. ‘Same’ wurt gezonge door Joyce Vahsen mit meziek gesjpeeld door ’t Trumke en ’t Tröötje. Oorsjpronkelik waar ’t leidje door Reinhard Wind gesjreve es inzending veur ’t Zittesje Vastelaovesleidjes Konkoer, dat vanwaege Corana woort aafgelasj. Om ’t leidje neit verlaore te laote gaon haet de Sjtadkapel ’t leidje oetgebrach en ingesjik es inzending veur ’t LVK 2021.

‘Same’ is ein leidje van verlange nao de tied van veur de Corona toen men nog mit gezin, femieje, vrunj en bekènde onbeperkt koosj geneite van alles van wat ’t laeve extra gezelligheid en franje geef. Zo es Vastelaovend, Kirmès, Oktoberfees en alle anger culturele evenemènte die ós veural in Zitterd en gans Limburg zo vertroewt en deierbaar zeen. ’t Is echter ouch ein leidje van troos vanwaege de zekerheid dat ‘t gevuil van ‘Same’ zeen op ein momènt toch weier zal trókkomme en jeeder weier es vanouds kènt geneite van de sjoon dènger van ’t laeve.

“Es d’r ein positief punt is aan de Coronacrisis is ’t waal ’t toegenomme besef dat veer ós ongerein neudig höbbe, dat gedeilde vreugde döbbele vreugde is en dat veer ongetwiefeld dees tied zulle kènne doorsjtaon en weier ‘Same’ zulle komme”.

Wèlt geer ein dit leidje es mp3 ontvange? Maak dan €3,- euver op raekeningnómmer NL20RABO0110444671 t.n.v. Stichting TenT Evenementen, mit vermeljing van eur mailadres. Dan krig geer via de email ein digitaal mp3 besjtandj van ‘t leidje gesjik.
Van jeeder besjtèld exemplaar van ‘Same’ zal €1,- waere aafgedrage aan de resterase van de Tore van de Grote Kirk.

Bron: Sjtadskapel ‘t Trumke en ‘t Tröötje
Foto: Facebook Sjtadskapel ‘t Trumke en ‘t Tröötje