Sjoliere Vastelaovend Zitterd

2020 6 Daagse

Vriedig veur de vastelaovend, 21 Fibberwari, is op de Zittesje mert ’t bekende Sjoliere Vastelaovend. De Mert sjtruimp deze middig vol mit doezende sjoliere oet Zitterd en omgaeving die de vastelaovend kómme inloewe. Sjoliere Vastelaovend is ooit sjpontaan begoosj en ongertösje neit mee weg te dènke oet de Zittesje Vastelaoves 6-Daagse.

Veur de sjoliere wurt ein muzikaal pregram geprizzenteiert dat doert van 13.30 oer pés ongeveer 18.00oer. ’t Festivalterrein op de Mert is geäöpent vanaaf 13.00oer.
Optraë zulle deze middig de band Hard2Get, de wènnesj van ’t LVK 2020 Spik & Span, winnares van ’t Tiener Vastelaovesleidjes Konkour 2020 Isabelle Jennes en Jesse & Jesse. DJ Jeroen Laven zal de ganse middig zörge veur sjwingende (Vastelaoves)meziek. De Marotte Zitterd mit Sjtadsprins Thierry I brènge ein bezuik aan Sjoliere Vastelaovend.

Ouch bie Sjolierevastelaovend is de reigel NIX18, gein alcohol onger de 18jaor. Op vertoon van ein geljig liggetemesebewies (paspoort of ID-kaart) kriege bezuikesj van 18jaor en awwer ein polsbendje. Allein op vertoon van dit polsbendje is drank mit alcohol te kriege. Comsumpsies zeen allein verkriegbaar mit de ‘Sjpaspas’ van Stichting Horeca Markt Sittard.

Bie Sjoliere Vastelaovend zal de mert waere ingerich es festival terrein. Dit beteikend dat de entree nao de mert allein muigelik is via de Lömmerichersjtraot en via de Paesjsjtraot. ’t Is neit toegesjtange om karre en eige drank mit te numme. Hie zal bie de ingeng op waere gecontroleiert. Wiejer zeen d’r hoesreigels.

Mee infermase euver Sjoliere Vastelaovend is te venje op feesboukpagina Scholierencarnaval sittard

Bron: Facebook Scholierencarnaval Sittard
Foto: Rockateer photo.video.graphics (2017) via Facebook Scholierencarnaval Sittard