Prinseresepse Sjtadsprins Thierry I

2020 Prins

Zondig 19 Jannewarie vèngk in ’t Forum Theater aan de Engekampsjtraot de tradisjonele Prinseresepse plaatsj. Deze middig sjteit gans in ’t teike van de nuuje Sjtadsprins. Tössje 13.11 en 16.30 oer is jeederein van harte oetgeneudig om Sjtadsprins Thierry I te filleseteiere mit zien Prinssjap.

Naodat de prins de fillesetases in ontvangs haet genomme, is ’t tied veur eine naozit tiejes deze gezèllige middig. De prinseresepse wurt jeederjaor aangebao en georganezeiert door de Senaat van de Marotte. Same zal d’r geproost waere op ein sjoon Vastelaovessezoen.

De Marottekapel is vanaaf de sjtart aanwezig op de buun en loestert de middig muzikaal op. Kapelle die Sjtadsprins Thierry I muzikaal wille filleseteiere zeen ouch van harte wilkom. Wiejer zeen d’r tiejes de resepse optraës van o.a. René Dirkx, de vader van de Sjtadsprins, dae de Zittesje sjlaager van dit jaor ‘Mènnigmaol roup ich alaaf’ zèngk.

Veur de kenjer is entertainment in ein rustige en apaarte ruumte mit o.a. knutsele en sjminke.  Nao aafloup ontvèngk jeederein ein kleine attensie.