Door sjtorm ‘Dennis’ ging de kènjeroptoch vandaag neit door. Mèr wae dach dat ’t sjtil bleef in Zitterd, dae haw ’t mis. Wènt optoch of geine optoch, waer of gein waer, Zitterd viert Vastelaovend!
Väöle luuj, wovan de neudige verkleid en gesjmink, hawwe de waeg nao de mert en de bènnesjtad weite te vènje, wo ’t ouch zonger optoch gezéllig waar. Op de mert op ’t terras van de Lembourg sjpeelde Sjtadskapel ’t Trumke en ’t Tröötje ein Vastelaoveskonzèr en versjèllende anger zaate hermeniekes zörgde veur eine richtige Vastelaovessjtömming. De Marotte mit Sjtadsprins Thierry I en Prinsegarde en versjèllende anger vereiniginge ware aanwezig en trokke van kafee nao kafee. ’t Convent van Neit Prinse leip zelfs, ondanks dat de optoch waar aafgelasj, de komplete optochroute.
En geine optoch? Aeve leek ‘t drop dat toch nog eine optoch door de sjtraote trok toen zowaal de bienao voltallige (!) Philhermenie en Hermenie Sint Joep de mert optrókke en gezamelik sjpeelde. ’t Convent van Neit Prinse leip zelfs, ondanks dat de optoch waar aafgelasj, de komplete optochroute.
Foto’s: VastelaovendZitterd – RBZitterd
