Maske Begrave

2020 6 Daagse

Tradisjoneel wurt op Vastelaovesdaensdig saoves ‘t Maske begrave es teike van ’t ènj van de Vastelaovend. Dit Carnavaleske aafsjied van de Vastelaovend wurt georganezeiert door Zitterd Same en Culturele vereiniging de Mander die ooit dit inisjatief haet genomme. Al in de jaore dertig van de veurige eeuw begrouf De Mander ’t Maske en höbbe zie dees tradiese in 1974 opnuuj opgepak. Noe make Same Zitterd en De Mander same ’t sjloetsjtök van de Zittesje Vastelaoves 6-daagse die kolderiek en hartversjeurend tegeliek is.

Om 22.00oere vertrek veur de Paetesjkirk op de Mert de fakkeltoch nao ’t Kloosterplien, wo om 22.11oere de plechtige sirremonie van ’t Maske Begrave zal beginne. Nao ein carnavaleske en hartversjeurende toesjpraok door de Sirremoniemeisters, wurt de rood, gael, gruin vaan gesjtreeke en volg ‘t zjwaorste deil van de sirremonie: de menuut sjtilte. Tot sjlot zal de trompetis ‘Zitterd Allein’ veur de letste keer euver de sjtad laote klinke.

Foto: VastelaovendZitterd – RBZitterd