Op gounsdig 12 Fibberwari vèngk in de ‘Lahrena’ van basissjool Lahrhof (Romeinesjtraot 30, Zitterd) de kènjerzitting van Sjtadsvastelaovesvereiniging De Marotte Zitterd plaatsj. Dees zitting sjpisjaal veur de jongste mechelkes en sjnaake is ein van de väöle inisjatieve van de Marotte om te jeugd te betrèkke bie en te interesseiere veur d’n eeuwen-awwe Zittesje Vastelaovend en zien tradieses en dees euver te brènge op de jongere gennerase. De middig begint om 14.33oere en de zaal is vanaaf 14.00oere geäöpend veur ’t jeugdige pebliek.
Jeugdraod van Ellef
De Marotte roupe alle
kènjer op om verkleid nao de zitting te komme. Sjtadsprins Thierry I krig deze
middig ongersjteuning van ein elfkoppige jeugdraod gevormp door leerlinge van
basissjool Laorhaof. Naeve hosse en sjprènge sjtaon ouch versjèllende optraës
op ’t pregram mit es absolute topper de wènnesj van ’t LVK 2020 Spik & Span
en LVK-finalis Paul-Jean. Prinsevader René Dirk zèngk de Marottesjlaager ‘Mènnigmaol
roup ich Alaaf’. De Zittesje kènjerkapel zörg veur de muzikaal omliesting van
de zitting.
Naeve dees artiste kump ouch Luna events. Dao kènne de kènjer eine hippe glittertattoo op hunne erm laote zètte of geneite van ein lekkere sokkersjpin.
Veurverkoup
Kaarte veur dees väölzijdige kènjerzitting zeen veur €3,50 per kaart te koup
bie basissjool Laorhaof bie juf Marijke (allein taege contante betale). Koup de
kaarte tiejig, wènt vol=vol. Es de middig neit is oetverkoch, dan is aan de
deur nog eine dagkassa (allein taege contante betaling).
Bron: De Marotte Zitterd
Foto: Ton Dirkx, Sittard
