Marotte Finale Sjpektakel

Langsem geit ‘t op de Vastelaovesdaag aan en verplaatsj ´t fees zich van bènne nao boete. Veurdat Sjtadsprins Thierry I zien intoch maak tiejes de Kènjeroptoch op zondig 16 Fibberwari, sjloete Sjtadsvastelaovesvereiniging De Marotte Zitterd de zittingreeks aaf mit ’t Finale Sjpektakel. Dees letste zitting van ’t sezoen vèngk plaatsj op zaoterdig 15 Fibberwari om 20.00oere in de Zittesje Sjouwburg De Domijnen.

’t Finale Sjpektakel belaof eine aovend te waere vol verrasjinge, meziek en kolder. Net es veurgaonde jaore vèngk dees zitting plaatsj aan lang taofele en sjtehtische op ’t podium van de grote zaal van de sjouwburg. De Marotte Zitterd is d’r weier in gesjlaag om ein zeer gevarieiert en kwalitatief hoogsjtaond pregram op de buun te kènne brenge.

Veur de neudige kolder zörg Limburg Buurtekampioen 2019 Bas van Neer mit de buut ‘Werk höbbe is niks…’ en ziene collega buuttereedner Jan Geraets in de rol van daakdekker. Meziek leifhöbbesj komme aan hun trékke mit muzikaal biedrage van versjèllende Limburge top artiste wo onger entertainer pur sang Coen Janssen, LVK-finaliste Katja, Kölsche klanke van de grop Kölsch Platt en Björn van Berkel oet Gubbevors. De aovend wurt aafgesjlaote door de Limburge nachtegaal Beppie Kraft.

De muzikaal omliesting is in de vertroewde hénj van de Marottekapel. Tiejes de naozit zörg DJ Jeroen Laven veur de meziek.

Kaarte veur ’t Finale Sjpektakel zeen te koup in de Marottewinkel (’t Kallebeske, Sjtevig 33) en via de website van sjouwburg De Domijnen. De entreekaarte veur dit sjpektakel koste €17,50.

Bron: De Marotte Zitterd
Foto’s: Ton Dirkx, Sittard