Bie de äöpening van ’t Vastelaovessezoen op de 11de van de 11de is door Sjtadsvastelaovesvereiniging De Marotte Zitterd de nuuj CD ‘Mènnigmaol roup ich Alaaf!’ geprizzenteiert. De produksie en opnames van de CD ware in henj van Studio Theelen in Munstergelaen. ’t Ontwerp van de CD hoes is van Marc Webers van Studio MarQ.
Op de CD sjteit de top 6 van ’t Zittesj vastelaovesleidjes Konkoer 2019-2020. Es eesjte nòmmer op de CD, de Zittesje Vastelaovessjlaager en taeves de tittelsong van dit jaor ‘Mènnigmaol roup ich Alaaf’, gezonge door René Dirkx. De sjlaager is gesjreve door Phil Schaeken. De nòmmesj twee pès zös zeen achtereinvolges: nr.2: ‘’t Pappegeyke’, gesjreve door Reinhard Wind en gezonge door Michele Tummer, nr.3: ‘Veer zeen toch allemaol femieje’ van Gé van Beek en Wim Roeffen, gezonge door Tam Tam, nr.4: ‘Laot ós éns wènke’ mit teks en meziek van Elianne Starren en Monique Jennissen mit zangk door Henk Dols, nr.5: ‘Nog Zitterder es dich’ gezonge door zus en brouer Lisa en Max Schiffler gesjreve door Theo Weijmen mit meziek van Mark Willems en de nr.6 ‘Same Vastelaovend viere’, gesjreve door Theo Wezenberg en gezonge door mooder en zoon Marjolein en Remco Vermeule.
’t Letste nómmer op de CD is ‘t Marotte Tienerleidje ‘Veer “Liken” Vastelaovend’. ’t Tienerleidje wurt gezonge door Cheyenne en is gesjreve door Theo Weijmen (teks) en Mark Willems (meziek).
De CD is veur €12,95 te koup bie o.a. de Marottewinkel (’t Kallebeske, Sjteivig 33), MusicMachine Sittard, ’t Kallebeske, Wollstreet en Fotografie Ton Dirkx. Online is de CD te koup via de webshop van De Marotte (www.shop.marotte.nl).
Naeve de tradisjonele CD zeen de leidjes ouch besjikbaar via online streamingsdeinste es iTunes en Spotify. Naeve de CD van dit jaor zeen ouch versjèllende auwere Marotte CD’s besjikbaar via streaming.
