Kènjerzjurie bie de Kènjeroptoch

2020 Optoch

De Zittesje kènjeroptoch is veural veur en door de kènjer. Aafgeloupe jaor waar veur de eesjte keer ein kènjerzjurie die mitzjureierde in de Zittesje Kènjeroptoch. Nao de väöle positieve reaksies op dit inisjatief en ’t enthousiasme van de kènjer bie hun rol es zjurielid zal d’r ouch dit jaor weier ein kènjerzjurie zeen. Volges Zjurieveurzitter Astrid Verblakt liek ein nuuj tradiese te zeen gebaore.

De kènjerzjurie besjteit oet ca. 8 kènjer in de laeftied tössje 10 en 12 jaor, aafkomstig van Zittesje basissjole. De samesjtèlling van de kènjerzjurie zal jeederjaor rouleiere. De kènjerzjurie wurt begeleid door Fieny Cals, direkteur SBO het Mozaïek.

Tiejes de kènjeroptoch zjureiert de kènjerzjurie, same mit de optochzjurie, de deilnummende kèrkes. Daonaeve beoordeile zie de sjpisjaal prieze ‘Sjoonst verkleid Mechelke’ of ‘Sjoonst verkleide Sjnaak’. Taeves reike ze aan de wènnesj van dees sjpisjaal prieze ein eige kènjerzjurie vaenke oet.

Insjelase kènjerzjurie
De insjtelase van de kènjerzjurie vonj op gounsdig 12 fibberwari plaatsj in de optochhal. De lede van de kènjerzjurie krege hunne eige sjteek oetgereik oet hènj van neemes minder es de wènnesj van ’t LVK 2020 Spik & Span. Taeves kreeg de kènjerzjurie oetlègk euver ’t zjureiere en eine rondjgangk langs de kèrkes die in de optochhal waere geboewd.

Foto: VastelaovendZitterd – RBZitterd