’t Optoch Kommitee Zitterd haet in euverlègk mit burgemeister Sjaar Cox van de gemeinte Zitterd-Gelaen en de veiligheidsdeinste besjaote dat de kènjeroptoch dae mörge door Zitterd zaw trèkke is aafgelasj. Dit in verbandj mit de verwachte helle wèndj (sjtorm).
Ondanks ’t ontsjtuimige waer zal mörge in plaatsj van de kènjeroptoch ein kènjer Vastelaovesfees waere georganezeiert door de kafees op de Mert en in de bènnesjtad. Dus kom alleney gesjmink en verkleid nao de sjtad om d’r same eine gezellige middig van te make.
Boete bie kafee de Lembourg op de Mert sjpeelt vanaaf 14.00oere Sjtadskapel ’t Trumke en ’t Tröötje ei Vastelaoveskonzér. De eesjte 500 kènjer kriege gratis ein tuutje sjips en aan de drie sjoonst verkleide kènjer zal om 17.11oere eine tegoudbon veur ein verrassingspakket waere gegaeve, dat wurt oetgereik biej ’t Kènjerkanon op Vastelaoveszaoterdig.
Let op: Ouch bie ’t Kènjer Vastelaovesfees kènt allein mit de Sjpaskas kènt betaald waere. De kassa op de mert is geäöpend van 12.00 pès 18.00oere.
Foto: VastelaovendZitterd – RBZitterd
