Jesse & Jesse finalist bie ’t LVK 2020

2020 Meziek

Deze middig zeen in ein sjpannende oetzending op L1 Radio en L11 Alaaf Facebouk de 20 finaliste van ’t LVK 2020 bekend gemaak.

Bie de 20 finaliste zit ein leidje oetkòmmend veur Zitterd: ’t duo Jesse & Jesse mit ’Wo is de VAR?’. De teks en meziek zeen gesjreve door Thei Wessels. Jesse & Jesse besjteit oet nonk Paul-Jean Jessen en naef Tristan Jessen. Saer aafgeloupe jaor sjtaon zie same es duo op de bühne. Zie sjtaon veur ‘t tweede jaor op riej in de finale van ’t LVK. In de finale zulle zie optraë es nómmer 17.

René Dirkx dae mit de Zittesje sjlaager ‘Mènnigmaol roup ich alaaf’ in de hauf finales van ’t LVK sjtong haet de finale jaomergenog neit gehaold.

De finale van ’t LVK is op vriedig 7 Fibberwari in ein groot paviljoen in Echt. Mee infermase euver ’t LVK en alle 20 de finaliste zeen te vènje op de websait van de Stichting LVK.

Foto: website L1