Jesse & Jesse door nao de hauf finales van ’t LVK 2021

2021 Meziek

Door alle maatreigele rondjom Covid-19 zal ’t kommende Vastelaovessezoen gans angesj zal zeen es geweunlik en zal Vastelaovend neit groots oppe sjtraot gevierd kènne waere. Aevel meziek heurt bie Vastelaovend, daorom geit ’t Limburgs Vastelaovesleidjes Konkour (LVK) ouch in dit Corona-jaor geweun door. Waal zal ’t LVK in opzèt angesj zeen es gebroekelik. Zo zulle de hauf-finales van ’t LVK allein waere oetgezonje op de radio, zulle d’r minder leidjes in de hauf-finales sjtaon (45 i.p.v. 60) en zal de finale plaatsjvènje zonger pebliek mit videoclips die in eige plaatsj in de boeteloch waere opgenomme.

Op 14 december zeen in ’t pregram ‘Plat Eweg’ op L1-Radio door Henk Hover (L1) en Ron Aspers (LVK) de 45 leidjes bekend gemaak die door zeen nao de hauf finales van ’t LVK 2021. Bie dees 45 hauf-finaliste zit oetkommend veur Zitterd ’t duo Jesse & Jesse (Paul-Jean Jessen en Tristan Jessen) mit ’t door Thei Wessels en Paul-Jean Jessen gesjreve leidje ‘Laot ós in de sjteek’.

De hauf finales van ‘t LVK 2021 zeen op vriedig 8, 15 en 22 Jannewarie tössje 18.00 en 19.30oere te beloestere 9, 16 en 23 Jannewarie tössje 13.00 en 14.30 oer. De finale van ’t LVK 2021 is op vriedig 5 Fibberwarie laif op L1-TV en L1-Radio. Door de maatreigele rondjom Covid kènt zowaal bie de hauf-finales es de finale gein pebliek aanwezig geen.

Mee infermase euver ’t LVK en ein euverzich van alle 45 leidjes die door zeen nao de hauf-finales van ’t LVK 2021 is te venje op de websait van Stichting LVK.

Foto: Beeldfragment YouTube