Finale LVK 2020 mit Jesse & Jesse

Vriedig 7 Fibberwari is in ein groot paviljoen in Echt de finale van ‘t 44e Limburgs Vastelaovesleidjes Konkour (LVK). De finale wurt vanaaf 20.00oere laif oetgezonje door L1 op TV, Radio en L11Alaaf facebouk.

Bie de 20 finaliste zit ein leidje oetkómmend veur Zitterd: ’t duo Jesse & Jesse mit ‘Wo is de VAR?’. Jesse & Jesse besjteit oet nonk Paul-Jean Jessen en ziene naef Tristan Jessen. De teks en meziek van ‘Wo is de VAR?’ zeen gesjreve door Thie Wessels. In de finale zulle zie optraë es nómmer 17.

Gezjureiert wurt in de finale door vief zjuries. Naeve de hoofd(vak)zjurie zeen dat de zjuries Vastelaoves-waereld, Auwt finaliste en ein zjurie besjtaonde oet jubelarisse. De letste zjurie is ’t volk van Limburg, wo jeederein kènt sjtömme via SMS. Bie dees letste zjurie höbbe Jesse & Jesse eur sjteun neudig, wènt wie mee SMS-sjtömme wie mee punte!

Sjtömme:
Om te sjtömme op Jesse & Jesse: SMS: LVK [sjpaasie] 17 nao 4422
’t Moment en de doer dat gesjtömp kènt ware zal door prizzentator van ’t LVK Henk Hover in de oetzending waere aangegaeve.
Let op: Per tillefoonnömmer kent mèr eine keer waere gesjtömp. Bie mee sjtömme zeen al eur sjtömme ongeljig!

Mee infermase euver ’t LVK en alle 20 finaliste van ’t LVK 2020 is te vènje op de websait van de Stichting LVK.

Video: YouTube L11 Alaaf
Foto’s: L1, fotograaf Graatje Weber / Jesse & Jesse