De Marottekapel verzörg tradisjoneel de muzikaal omliesting bie de zittinge van de Marotte Zitterd. Wiejer verzörge zie ein aantal konzérs in bejaarde- en verzörgingshoezer en boete ’t Vastelaovessezoen bie ein aantal eveneménte.
Naeve ’t oploestere van de zittinge leet de Marottekapel ouch mit de Vastelaovesdaag hun muzikaal klanke klinke. Dit doon zie tradisjoneel op de donderdig veur de Vastelaovend, 20 Fibberwarie, bie ’t Auwt Wieverkonsèr in kafee ’t Duvelke aan de Helsjtraot. Vanaaf 21.11oer vermaak de Marottekapel dao de auw wiever en anger laammaekesj mit veural (auw) Zittesje Vastelaovesleidjes.
Foto: De Marotte Zitterd, fotograaf Arjan Krijntjes
