Artistemiddig Kafee Dwaesj mit LVK Toppesj

Vastelaovesdaensdig 25 Fibberwari is in Kafee Dwaesj aan de Sjtaasedwaesjsjtraot de jaorlikse ‘Artiestetrein’ mit optraës van bekende Limburgse artiste. ’t Belaof dit jaor eine unieke Vastelaovesmiddig te waere mit o.a. de wènnesj van ’t LVK 2020 Spik & Span.

De Artiestetrein vol mit LVK toppesj zal sjtarte om 14.00oere. Deze middig zulle optraë de 4-voudig LVK wènnesj en wènnesj van ’t LVK 2020 Spik & Span, 3-voudig LVK wènnesj De Toddezek, Paul & Leo (wènnesj LVK 2004) en De Geliënde die dit jaor veur de 18de keer in de LVK finale sjtonge en in 2017 ’t LVK wiste te wènne. Daonaeve zeen d’r nog optraës van ’t van ’t LVK bekende duo Pruuf Már en oet Zitterd Paul-Jean Jessen. Tössje de optraës zörg eine DJ veur meziek. De prizzentase van deze middig is in henj van Resie Cremers.

Entreekaarte koste in de veurverkoup €4,- en zeen zolang es de veurraod sjtrek verkriegbaar  bie Kafee Dwaesj.

Bron: Café Dwaesj
Foto: Arjan Krijntjes
Poster: Café Dwaesj