Foto’s: Ton Dirkx / Marotte Zitterd
motto Sjtadsprins Thierry I:
Laot ós same oppe träöte blaoze
En mit de Vastelaovend door die daag (haer) raoze
In ’t blaw maag ich veurop gaon
En greutsj oppe prinsewage sjtaon
Same make veer deze Vastelaond weier gaaf
En mènnigmaol roupe veer dan Zitterd Alaaf!
Jaormotto: Mènnigmaol roup ich alaaf
Jaororde: Sirremoniemeistersjtaaf
Ridder in de Orde van de Pappegey:
- Dhr. Manfred Stielow (Grosse Kölner, Kölle)
- Dhr. Jacques Pfennings
Sjlaager: Mènnigmaol roup ich alaaf
CD: Mènnigmaol roup ich alaaf
Bezunjerhede:
- In November make De Marotte Zitterd bekend dat dhr. Jan Janssen is benuimp pès Vors Marot. Op de oetruipingsaovend wurt hae offesjeel geinsjtalleiert pès Vorst Marot Jan I.
- Bie gelaeg van zien prinssjap wurt door Sjtadsprins Thierry I ‘t leidje ‘Eure Prins’ opgenomme dat gans geit euver ziene Prinsedruim.
- De Auw Prinse brènge hunne tradisjonele Grosse nómmer veur de eesjte keer op ein eige zitting in ‘t Forum: De grosse nómmer zitting.
- Nao 15 jaor wurt door Sjtadskapel ’t Trumke en ’t tröötje de organezase van ’t Kanon van ’t balkon euvergedrage aan ein wirkgrop van ‘Societé Zitterd’.
- Door de helle wèndj (sjtorm) wurt de Kènjeroptoch aafgelasj. Ondanks dat geine kènjeroptoch trèk is toch volop Vastelaovessjtömming in de bènnesjtad.
- Nao de Kènjeroptoch mot ouch de Groote Vastelaovesoptoch waere aafgelasj door de combenase van eine helle wèndj (sjtorm) en raege.
- Ouch de veur Meert geplande gecombineierde (inhaol) Vastelaovesoptoch geit, door meerdere rae, neit door. Vastelaovend 2020 geit hiedoor de buik in es eine Vastelaovend zonger offesjeel optochte.
- ’t Tröötekonkoer op Vastelaovesmaondig krig eine nuuje opzat. De kapelle sjpele allemaol op ’t podium op de mert en waere aafgewisseld door versjèllende optraes van artiste.
