Op 19 Jannewarie waar de insjtallasezitting van Sjtadsprins Rob I. Veurdat hae geinstelleiert woort pés Sjtadsprins waar eesj ‘t aafsjied van de toen nog regeierende Sjtadsprins Leon I (Kaminski).
Es eesjte woort Sjtadsprins León I door Groot Vors Harie geplök en moosj hae de Prinselikke teikes inlevere. Volges protocol moosj León I achtereinvolges de scepter, de vaere, de prinsemutsj, de ketting mit de nonnevot en ’t verke, ’t sjlaateveugelke en ’t pappegeyke inlevere. Nao ‘t plökke sjprouk León zien dankwoord oet en keek hae trök op ein regeierperiode vol hoogtepunte.
Nao ’t Plökke en ’t dankwoord van León I waar ’t tied veur de bekende Grosse Nómmer van de Auw Prinse. León keek vanaaf de ziekantj toe en zoug wie meinig Zitterder en zelfs hoog bezuik de revuu passeierde. Aan ’t enj van de Grosse Nómmer kreeg Léon oet henj van Auwt Prins Joep Wijnands de mötjs van de Auw Prinse opgezàt, womit hae offisjeel lid woort van de Auw Prinse.
Marotte TV maakte beelde van ’t plökke en ’t dankwoord van ex-prins León I en leet uch de ganse Grosse Nómmer van de Auw Prinse zeen.
Plökke en dankwoord ex-Sjtadsprins León I
Grosse Nómmer Auw Prinse 2019
Opname: Marotte TV
