Twee Zittesje leidjes in de hauf finales van ’t LVK 2020

2020 Meziek

In ’t pregram ‘Plat Eweg’ op L1-Radio zeen deze aovend de 60 leidjes bekend gemaak die door zeen nao de hauf finales van ’t LVK 2020. Bie dees 60 leidjes in de hauf-finales zitte twee Zittesje leidjes.

René Dirkx is door nao de hauf-finales van ’t LVK 2020 mit de door Phil Schaeken gesjreve Zittesje VastelaovessjlaagerMènnigmaol roup ich alaaf!’. ‘t Tweede Zittesje leidje in de hauf-finales is ‘t duo Jesse en Jesse dat besjteit oet Paul-Jean Jessen en Tristan Jessen mit ’Wo is de VAR?’, wovan de teks en meziek zeen gesjreve door Thei Wessels.

De hauf finales van ‘t LVK 2020 zeen op vriedig 10 jannewarie, vriedig 17 Jannewarie en vriedig 24 Jannewarie tössje 18.00 en 20.00oer op L1 radio en TV mit optraës van de artiste. De oetzendige waere herhaalt op de zaoterdig aansjloetend tössje 13.00 en 15.00 oer. De finale van ’t LVK 2020 is op vriedig 7 Fibberwari in ein groot paviljoen in Echt.

Mee infermase euver ’t LVK en ein euverzich van alle 60 leidjes die door zeen nao de hauf-finales van ’t LVK 2020 is te venje op de websait van Stichting LVK.

Zittesje Sjlaager 2020 ‘Mènnigmaol roup ich alaaf!’
Jesse & Jesse ‘Wo is de VAR