Sjtòm Toeval in de 3e hauf finale van ‘t LVK

2019 Meziek

Vriedig 25 Jannewarie is de driede hauf-finale van ’t LVK 2019. In dees 3e hauf finale sjteit op nömmer 47 ’t jeugdige duo Sjtòm Toeval (Thierry Dirkx en Maxime Tummers) mit de door Thei Wessels gesjreve Zittesje Vastelaovessjlaager ‘1, 2, 3 Vastelaovend’.

De driede hauf-finale van ‘t LVK is op vriedig 25 Jannewarie tössje 18.00 en 20.00 oer op L1 Radio en TV en wurt herhaalt op zaoterdig 26 Jannewarie tössje 13.00 en 15.00oer.

Aansjloetend aan de oetzending ként via SMS waere gesjtömp. Sjtömme veur ’t LVK ként dit jaor allein nog via SMS. Angesj es anger jaore is dat dit jaor nog mèr op ein leidje gesjtömp kènt waere.

Om te sjtömme: SMS: LVK [sjpasie] 47 nao 4422
Sjtömme kent op vriedig 25 jannewarie tössje 20.00 en 20.30oer of op zaoterdig 26 Jannewarie tössje 15.00 en 15.30oer, boete dees tieje is eur sjtöm neit geljig. Per tillefoonnòmmer kent per hauf finale mèr eine keer waere gesjtömp.

Sjteun Sjtòm Toeval en help hun op waeg nao de finale van ’t LVK in ’t MECC door te sjtömme op leidje nömmer 47.

Foto: Arjan Krijntjes
Poster: Sjtóm Toeval