Pregram Kanon van ’t Balkon 2019

2019 6 Daagse

Vastelaoveszaoterdig, 2 Meert, organezeiert Sjtadskapel ’t Trumke en ’t Tröötje weier ’t Kanon van ’t Balkon, womit de Zittesje Vastelaovend offesjeel wurt aafgetrap. Mit nog precies 2 waeke pés Vastelaoveszaoterdig is ’t pregram bekend gemaak veur de 16e edisie van ’t kanon van ’t Balkon.

Om 16.11oere sjtart ’t Kènjerkanon sjpisjaal veur en door de Kènjer, geprizzenteiert door Fieny Cals. Optraë bie ’t Kènjerkanon zulle versjèllende basissjole, de Zittesje KVL finaliste OBS Aan de Meule en OBS de Sjtadssjool, De Zittesje Kènjerkapel, jeugdige talente, danceacts en de top 3 van ’t Tiener Vastelaovesleedjes Konkour.

Om 18.33oere sjtart ’t pregram van ’t ‘grote’ Kanon van ’t Balkon, dat wurt geprizzenteiert door Maurice Gorissen en Wim Clerkx. Sjtadskapel ’t Trumke en ’t Tröötje prizzenteiert ouch dit jaor weier ein ruum zös oer doerend sjpetterend pregram mit optraës van ruum 80 artiste. Optraë zullen o.a. La Bamba, De Desperado’s, Marleen Rutten, De Marottekapel, De Toddezek, Zaatehermenie Mörge geit ’t Baeter (Limburgs Kampioen Zaatehermeniekes 2018), Katja Henz, Bjorn & Mieke, Paul & Leo, Kartoesj, Beppie kraft en Trööt in de Gööt.

Wiejer op ’t pregram volges vas resép de Marotte sjlaagesj, Zittesje artiste en artiste van rondjom Zitterd. Om 23.11 zal burgemeister van Zitterd-Gelaen Sjraar Cox de sjleutel van de sjtad euverdrage aan de Sjtadsprins Rob I.

Noe alvas ein tip: Kom oppe tied, went vol=vol!!

Bron: Kanon van ‘t Balkon
Foto: Arjan Krijntjes