Op de drök bezogde resepse van Sjtadsprins Rob I waar ouch ’t besjtuur van de SLV, de samenwirkende Limburgse Vastelaovesvereiniginge, de bondj van de zeventeen grootste Vastelaovesvereiniginge van Limburg, prezent. President Raymond Vlecken melde dat ’t besjtuur van de SLV haw besjlaote om aan Wim Clerx, Maurice Gorissen en Thijs Jacobs van de Wieze Raod van Sjtadsvastelaovesvereiniging De Marotte Zitterd de Orde van Verdeinste te verlene.
Raymond Vlecken: “Alle drie höbbe ze bezunjer väöl verdeinste veur De Marotte en zeen ze jaorelangk lid van de Wieze Raod. Ze zeen ein veurbeeld en initiator van versjèllende zake bènne de vereiniging. Richtige Marotte veur Zitterd vanwaege hun grote betrokkendheid bie en hun hart veur de Vastelaovend in Zitterd.”
Verdeinste:
Wim Clerx is 3×11 jaor lid van de Wieze Raod. Hae vervulde väöle funksies en take bènne en boete De Marotte. Hae waar/is besjtuurslid en (vice-)veurzitter, prizzentator, lid van versjèllende commissies (pregram, tröötekonkour, Zittesje Vastelaoves 6-Daagse, jubbelei 111 jaor, 11×11 jaor en 12x11jaor), initiator en besjtuurslid Sjtadskapel ’t Trumke en ’t Tröötje en ’t Kanon van ’t Balkon, besjtuurslid Gala Prinsebal en Sociëté de Marotte.
Maurice Gorissen is 23jaor Marot, besjtuurslid PAP (taakveljer Pappegey, Archief en PR), veurlichter, prizzentator, lid van de programmacommissie, commissie Tröötekonkour, Pappegeycommissie, veurzitter PR-commissie, Zittesje Vastelaoves 6-Daagse, versjèllende huldigingskommitees (o.a. 3×11 Optoch Kommitee, Marotte 11x 1 en 12×11) en vanaaf ’t begin PR en prizzentator van ’t Kanon van ’t Balkon.
Thijs Jacobs is besjtuurslid en Protokolis van De Marotte, lid van versjèllende commisies (beveurbeeld algemein zake, meziek-, jaororde en protocolcommissie). Daonaeve is hae 25 jaor lid van De Prinsegarde Zitterd es besjtuurslid, sikretaris en ere-lid. Names De Marotte is hae de aafgevaardigde bie de SLV-vergaderinge.
De drie laureaten mochte oet henj van de president van de SLV ein oorkonde en ein orde mit de waopes van de plaatsje van de SLV lidvereiniginge in ontvangs numme.
Bron: De Marotte Zitterd
Foto’s: Arjan Krijntjes
