Onthulling Vastelaovessjilderie

2019

Bie Albert Heijn aan de Bröksjtraot vonj deze mörge de onthulling van ein Vastelaovessjilderie plaatsj dat is gesjilderd door kunstenares Miriam Vleugels. ’t Sjilderie woort onthuld door Sjtadsprins Rob I. De onthulling woort muzikaal opgeloesterd door zangers Marleen Rutten.

Van ’t sjilderie zeen posters gedrök in ein oplage van 30.000 sjtök, dees posters zeen taege ein vriewillige biedrage verkriegbaar bie (bienao) alle vestiginge van de winkels van Albert Heijn in Limburg. ’t Sjilderie zal waere verkoch aan de hoogste bieder. De totale opbrèngs wurt gesjonke aan de Kindervallei, ein vakansiehoes van ‘t Ronald McDonald Kinderfonds.

De Ronald McDonalds Kindervallei is ein hoes wo kènjer die intiese zörg neudig höbbe same mit hun femieje kènne geneite van ein onbezörgde vekans. Kunstenares Miriam Vleugels: “De cirkel van plezeier is rondj es veer dao mit zien alle, mit eine twinkeling in oos ouge, eine sjteinke aan kènne biedrage’. Thea Coolen vult aan: “Wat Vastelaovend veur Limburgers is, is de Kindervallei veur gezinne mit ein zorgintensief kèndj. Plezeier en ontspanning om ein gans jaor op te verheuge en ’t geweune laeve daonao weier aan te kènne. Daorom vènj ich ’t sjitterend dat de opbrèngs van dees aksie veur de Kindervallei is. Plezeier veur Plezeier!”.

Foto’s: VastelaovendZitterd – RBZitterd