Nuuj lokase veur de Marottewinkel

2020

Op zaoterdig 14 December haet Sjtadsvastelaovesvereiniging De Marotte Zitterd weier de Marottewinkel geäöpend. Dees door vriewilligesj gerunde winkel is, zo es jaorliks gebroekelik in de maonje veur de Vastelaovend, geäöpent pes Vastelaovezaoterdig.

De Marottewinkel haet dit jaor ein nuuj lokase, namelik bie ’t Kallebeske Trachten en Carnavalskleding op de Sjteivig 33 in Zitterd.

Entreekaarte en merchandise
De Marottewinkel haet ein oetgebreid assortiment aan merchandise veur de (Zittesje) Vastelaovesvierder. Zo zeen te koup de entreekaarte veur de Marotte Zittinge: Oetruipingszitting op 4 Jannewari, Insjtelasezitting op 18 Jannewari en ’t Finalesjpektakel in de sjouwburg op 15 Fibbewari. ’t Assortiment van de Marottewinkel bevat wiejer o.a. patsje en sjaale van De Marotte en artikele oet veurgaonde jaore die leuk zeen om te gaeve of te kriege mit de kommende feesdaag in zich.

Nuuj: Seieraode
’t Is De Marotte geluk dit jaor ’t assortiment vernuujt oet te brenge mit exclusieve Vastelaoveseierode van Trèsyve. In Zitterd zulle dees seieraode allein verkriegbaar zeen in de Marottewinkel. Ouch zeen verkriegbaar De Greutsje Pin 2020 en versjèllende anger ‘pinkes’. De miniatuur versie (‘pinke’) van de Marotte Jaororde 2020 zal verkriegbaar zeen nao de oetruipingszitting op 4 Jannewari.

Naeve dit alles is vanaaf begin Jannewari de nuuje Marotte CD ‘Mènnigmaol roup ich Alaaf’ te koup mit dao op de Marotte sjlaagesj van dit sezoen. Naeve de nuuj CD zeen ouch nog versjèllende CD’s oet veurige jaore te koup.


Update 27 Jannewari 2020:
De Marotte Zitterd höbbe bekend gemaak dat de Marottewinkel anger äöpeningstieje krig.
Vanaaf Fibberwari is de Marottewinkel allein nog geäöpent op zaoterdige tössje 10.00 en 17.00oere. Vastelaoveszaoterdig 22 Fibberwari is de letste daag dat de Marottewinkel veur dit jaor is geäöpend.

Bron: De Marotte Zitterd
Foto: De Marotte Zitterd / Trèsyve