Op vriedigavond 15 Fibberwarie is ‘t de beurt aan de jonge Marotte en Marottinekes van 11 pès 14 jaor om te geneite van eine aovend vol plezeier tiejes ’t jeugevenement van Sjtadsvastelaovesvereiniging De Marotte Zitterd. Vanaaf 19.11oere äöpene de deure van Poppodium Volt. Mit es thema “Safari, Feeste wie de beeste”, belaof ’t eine gezelige aovend te waere. ’t Jeugevenement doert pès 22.30 oere.
De jeug is de toekoms en mit deze aovend, sjpisjaal veur hun georganezeiert, kènne zie nao hartelus geneite van d’n eeuwen-awwe Vastelaovend. Get dat zonger twiefel zal gaon lukke mit sjwingende optraës van o.a. Veier-G mit ’t Marotte Tienerleidje ‘Doe Dao!’, Lisa & Max, Feesbees Big Benny en DJ Wouter.
Deze aovend zeen versjèllende aktiviteite, wo gesjmink waere ein veurbeeld van is. En jeederein krig ein traktase! Ouch de verkeizing van ’t sjoonst verkleide ‘mechelke’ en ‘sjnaak’ zal dit jaor neit ontbraeke. Dus… doch dien bès en trèk ’t sjoonste pekske aan om kans te make op dae felbegeerde pries. Sjtadsprins Rob I zal aanwezig zeen om d’r veur de jeug eine onvergaetelikke aovend van te make.
’t Marotte Jeugevenement is eine besjlaote aovend. Allein jongere mit ein geljig entreebewies waere binnegelaote. Vriewilligesj van De Marotte zulle aanwezig zeen om de aovend te begeleije en toezich hawte. Auwesj zeen vanaaf 21.45oere wilkom om ein kiekske te numme.
Entreebendjes zeen gratis verkriegbaar via de basissjole en via de Marottewinkel (Damesmode Van Neer Eyckeler, Brandjstraot 11).
Bron: De Marotte Zitterd
Foto: Arjan Krijntjes / De Marotte Zitterd
