Fotoalbum Kènjeroptoch 2019

2019 Fotoalbum Optoch

Onger ein sjtraolend veurjaorszönke en verjaorstemperatuur (15 grade!) trok gistermiddig de Kènjeroptoch door de Zittesje sjtraote. Teendoezende luuj hawwe de waeg nao Zitterd weite te vènje en sjtonge rieje dik langs de kantj.

‘t Pebliek koosj geneite van grote kleurrieke groppe, de humorvolle kleine groppe, femiejes, enkelinge en väöl meziek. De jeugde waageboewesj van ‘t kérkes-projek trokke greutsj mit hun eige gemaakte ‘waages’ door de sjtraote. Wat opveil is dat de kèrkes jeederjaor weier grootser en van hogere kwaliteit waere.

Eine, sjus wie ’t zönke, sjtraolende Sjtadsprins Rob I sjloot de Kènjeroptoch aaf en maakte ziene grandiooze intoch in ‘t Marotteriek. Hae woort veuraafgegange door de Prinsegarde, De Marotte en de Auw Prinse.

Hie onger kènt geer ‘t fotoalbum van de Kènjeroptoch 2019 te bekieke.

Soms kènt ‘t aeve doere veurdat alle foto’s zeen gelaje

Foto’s: VastelaovendZitterd – RBZitterd