Fotoalbum Groote Vastelaovesoptoch 2019

2019 Foto

Aafgeloupe zondig trok de Groote Vastelaovesoptoch door de Zittesje sjtraote. Al waar ‘t waer ein sjtök minder es bie de Kènjeroptoch, toen d’n optoch ging trèkke bleef ‘t dreug. Ondanks ‘t grieze waer bleek nog mer ens wie kleurriek de Zittesje Optoch is. Jaomer veur de deilnummesj waar dat dit jaor minder luuj langs de kantj sjtonge es anger jaore.

Eine sjitterende en kleurrieke optoch trok aan de doezende luuj langs de kantje veurbie mit groote waages vol bewaeging, groppe, kolderiek groppe en enkelinge vol aktualiteit. Trök kommende ongerwerpe ware de Perikele bie de Marotte, Geine Vors Marot en de finaciën van de gemeinte Zitterd-Gelaen. Sjtadsprins Rob I sjloot op ziene Prinsewaage, wo hae in de houd van eine grote clown sjtong,  de Optoch aaf en sjmeet doezende appelesiene oet.

Hie onger kent geer ‘t Fotoalbum van Groote Vastelaovesoptoch 2019 bekieke:

Foto’s: VastelaovendZitterd – RBZitterd