Finale Tiener Vastelaovesleidjes Konkour

2019 Meziek

Zaoterdig 9 Fibberwari is in sjporthal de Wetteling in Venray de finale van ’t Tiener Vastelaovesleidjes Konkour (TVK). ’t TVK is de zuiktoch nao ’t beste Tiener Vastelaovesleidjes van Limburg. Kenmerkend veur ’t TVK is de vernuujende en soms experimentele Vastelaovesmeziek vol power, enerzjie en Up tempo.

In November is in ’t Forum in Zitterd de veurronje van ’t TVK gewaes en is bekend gemaak dan 16 de deilnummesj in de finale sjtaon. Veur Zitterd sjtaon in de finale de veier mechelkes van Veier-G mit ’t Marotte Tienerleidje ‘Doe Dao!’.

De finale van ’t TVK wurt zaoterdig 9 Fibberwari vanaaf 20.11oere laif oetgezonje op de Facebouk pagina L11 Alaaf. Mit de Vastelaovesdaag zal L1 ein samevatting van de TVK finale op TV oetzende.
Mee infermase euver ’t TVK is te vénje op de websait tvk-limburg.nl en op de faceboukpagina van ’t TVK.

Veer wunsje de mechelkes van Veier-G en de angere deilnummesj väöl plezeier en sukses in de finale.

Foto: Arjan Krijntjes