De Sjörkarre optoch krig ein vervolg

2020 Optoch

Aafgeloupe Vastelaovend trok op Vastelaovesmaondig saoves de Sjörkarre Optoch door de bènnesjtad. Dees sjörkarre optoch waar bedoeld es ein einmalige aktiviteit bie gelaeg van ‘t 5×11 jaorig jubbelei van ’t Optoch Kommitee Zitterd. Bie de sjörkarre optoch trèkke de deilnummesj mit ein verseierde en/of zelfgeboewde en verleichte sjörkar door de sjtraote. Dat rizzelteierde in eine optoch mit väöle kreatieve, aktueel en kolderieke ideeje.

Nao de väöle positieve reaksies haet ’t Optoch Kommitee Zitterd besjlaote dat ouch dit Vastelaovessezoen weier eine sjörkarre optoch zal trèkke. Zjus wie aafgeloupe jaor zal dees trekke op de maondigaovend van Vastelaovend. Wiejer geit ’t OKZ bekieke of dees optoch laevesvatbaar is en zo kènt gruije pés ein vaste Vastelaovesaktiviteit.

Bron: Optoch Kommitee Zitterd
Foto: VastelaovendZitterd – RBZitterd