De Greutsje Pin 2020 is te koup

2020

Op de 11de van de 11de is de zevende Greutsje Pin geprizzenteiert. De eesjte Greutje Pin 2020 is bie de äöpening van ’t sezoen door ex-Sjtadsprins Ruud I van Sjtichting De Greutsje Pin aangebao aan regeierend Sjtadsprins Rob I. De Greutsje Pin is ontworpe door Marc Webers van Studio MarQ.

Wat is De Greutsje Pin?
De Greutsje Pin is ein sjpèngske dat jeedere Vastelaovesgek op ziene revaer of patsj kent sjtaeke es teike dat hae greutsj is op Zitterd en ziene Vastelaovend. Mit ’t koupe van De Greutsje Pin sjteunt me de deilnummende vereiniginge die de Vastelaovend in Zitterd oetdraage en insjtandj hauwte. Mit de opbrengs kènne de vereiniginge de onkoste dèkke, beveurbeeld bie ’t boewe van eine Vastelaoveswaages, nuuj instrumènte, of de organezase van Vastelaovesaktiviteite.

De pries van De Greutje Pin is wie gebroekelikke €5,-. Van dit bedraag geit €3,- rechstreeks nao de vereiniging wo De Greutsje Pin is gekoch. Mit ’t koupe sjteunt geer dus de vereiniging of buurt van eur eige keuze.

De Greutsje Pin is te koup bie de deilnummende vereiniginge en onlain via de webshop van De Greutsje Pin. Mee infermase euver De Greutsje Pin en de deilnummende vereiniginge is te vènje op de websait van De Greutsje Pin: www.degreutsjepin.nl

Foto’s: Stichting De Greutsje Pin