Benuimp pes Sjtadsprins van Zitterd d’n heer Rob Goossens

2019 Prins

Deze aovend waar op ’t podium van de sjouwburg de drökbezogde en sfeervolle Oetruipingzitting van Sjtadsvastelaovesvereiniging De Marotte Zitterd. Om 23.00oere sjteeg de sjpanning pés ‘t hoogtepunt toen Groot Vors Ben I names de Groot Vorste van De Marotte ‘t Tillegram van de Pappegey ging veurlaeze mit dao op de naam van de 88e Sjtadsprins van Zitterd.

Pés Sjtadsprins van Zitterd is benuimp de heer Rob Goossens. Ziene hoogheid zal regeiere euver ’t Marotteriek en d’n eeuwen-awwe Zittesje Vastelaovend onger de naam Sjtadsprins Rob I. Zien Prinselik palies légk aan de Dr. Poelslaan 10 in de Zittesje buurt Ophaove.

In ‘t dagelikslaeve wirk Rob op de marketing aafdeiling bie L1. Hae is oprichter en veurzitter van de Vastelaovesklup CV ‘n bietje wiejer wo hae jaorliks mitlöp in de Groote Vastelaovesoptoch en zie verzörge jaorliks ein optrae op de vrouluujzitting van de flanelle lepkes.
Wiejer is Rob lid van ‘Mit pien ein muite’ die bie Schtad Zitterd de mansluuj sjtehung organezeiere. Hae is saer 2014 lid van de PR-kemisse van De Marotte en is ouch aktief gewaes bie de PR van de Zittesje Revuu ‘Oppe Tied’.

Rob haet saer 3 jaor ein relase mit Michelle Nievergeld.

Mee euver de nuuje Sjtadsprins van Zitterd kent geer hiej laeze.