Aanpassing in de route van de Kènjeroptoch

2019 Optoch

’t Optoch Kommitee Zitterd haet de routes veur de Kènjeroptoch op zondig 24 Fibberwarie bekend gemaak. Aafgeloupe jaor haet ‘t Optoch Kommitee de route van de Kènjeroptoch verangerd en ingekort. Nao evalease van de route en reaksies van deilnummesj zal de route van de kènjeroptoch 2019 zal get waere aangepas ten opzichte van veurigjaor.

’t Rundje euver de Mert dat de kènjeroptoch veurigjaor haet gemaak brach neit de verwachte sfeerverhoging, intaegendeil wènt op de Mert ware zelfs laeg plaatsje langs de kantj. Ouch de ontbènjing op ’t Kloosterplien woort door de deilnummesj es ongezellig ervare. ’t Inkorte van de route door ’t gedeilte rondj ’t ABC-complex te laote vervalle woort dan weer es positef ervare.

’t Optoch Kommitee haet dan ouch besjtaote om de Kènjeroptoch dit jaor grotendeils te laote trekke via de route oet 2017, wo in de Begienhaofsjtraot is opgenomme. Allein de lus door ’t ABC-complex zal vervalle. Vanaaf de Mert zal de optoch noe de Lömmerichtersjtraot in gaon en dan bie de Sjtadspomp / Kafee De Kup lènks de Meulebaeksjtraot in. De ontbenjing zal weier op de Mert plaatsjvènje.

Route Kénjeroptoch:
Opsjtart Maaslandpark – Euverhaovenersjtraot  – Riekswaeg Noord – Walramsjtraot – Euverhaovenersjtraot – Sjteivig – Veursjtad – Brandjsjtraot – Lömmerichersjtraot – Begienhaofsjtraot – Daeke Tijssesjtraot – Kloosterplien – Auw Mert – Mert – Lömmerichtersjtraot – Meulebaeksjtraot – Nuujsjtraot – Plaksjtraot – Pötsjtraot – Mert


Bron: Optoch Kommitee Zitterd
Foto: VastelaovendZitterd – RBZitterd