Zittesje sjoole door nao de finale van ’t KVL 2019

2019 Meziek

Naeve ‘t ‘grote’ LVK is ouch jaorliks ’t Kinger Vastelaovesleedjes Festival (KVL). Dit leidjes konkour is sjpisjaal veur de kénjer in de laeftied van basissjoole.

Op zondig 25 November in Horn en op zaoterdig 1 December in Zitterd-Vrangendael ware de hauf finales van ’t KVL 2019. IN allebei dees hauf finales sjtonge Zittesje deilnummesj. Nao aafloup van de hauf finales zeen door de zjurie de eesjte 6 finaliste bekend gemaak. Op 7 December zulle nog de letste 5 wildcard veur de finale bekend gemaak waere.

Bie de eesjte deilnummesj die door zeen nao de finale zeen twee Zittesje sjoole. OBS Aan de Meule sjteit in de finale mit ’t leidje ‘Ravotte’. De tweede Zittesje sjool die in de finale sjteit is OBS de Sjtadssjool mit ’t Marotte kènjerleidje 2019 ‘Tisneitniks’. Aafgeloupe jaor haet OBS de Sjtadssjool mit ’t leidje ‘Eine TOP Vastelaovend’ ’t KVL gewonne.

De grote finale van ’t KVL 2019 is op zondig 10 Fibberwarie in Cultureel Centrum Don Bosco in Hael. De finale zal door L1 laif op TV waere oetgezonje.

Alle 11 de finaliste van ’t KVL 2019

  • OBS Aan de Meule ‘Ravotte’
  • Van Alles Get ‘Allemaol Biejein’
  • BS de Leerlingst ‘Os Kinjercafé’
  • OBS de Sjtadssjool ‘Tisneitniks’
  • Pieke Linssen ‘Vastelaovend hoeëg belaeve’
  • Sem & Liefke ‘Snipper, Snapper, Wapper’
  • De Gekke Jetjes ‘Rieje diek’
  • Bibi & Guusje ‘Knuffelaer’
  • BS de Lemborgh ‘Ich bèn meister, ich bèn juffrouw’
  • Cas en Kiki ‘Ós doel.. Vastelaovendj’
  • BS de Triangel ‘Alles geit noe aan de kant’

Bron: KVL-Limburg
Foto: KVL-Limburg