Zittesje leidjes door nao de hauf finales van ’t LVK 2019

2019 Meziek

In ’t pregram ‘Plat Eweg’ op L1-Radio zeen deze aovend de 60 leidjes bekend gemaak die door zeen nao de hauf finales van ’t LVK 2019. Bie dees 60 leidjes zeen twee Zittesje leidjes.

’t duo Jesse en Jesse dat besjteit oet Paul-Jean Jessen en Tristan Jessen sjteit in de hauf finales mit ’t leidje ‘Laot ós mer sjuve’, de teks is gesjreve door Thei Wessels en de meziek is van Quinn Warmerdam. Ouch door nao de hauf finales van ’t LVK 2019 is ’t duo Sjtóm Toeval mit de door Thei Wessels gesjreve Zittesje Vastelaovessjlaager ‘1, 2, 3 Vastelaovend’.

De hauf finales van ‘t LVK 2019 zeen op vriedig 11 jannewarie, vriedig 18 Jannewarie en vriedig 25 Jannewarie tössje 18.00 en 20.00oer op L1 radio en TV mit optraejes van de artiste. De oetzendige waere herhaalt op de zaoterdig aansjloetend tössje 13.00 en 15.00 oer.
De finale van ’t LVK 2019 is op vriedig 15 Fibberwarie in ’t MECC in Mesjtreich.

Jesse & Jesse sjtaon es nömmer 37 in de 2de hauf finale op 18 Jannewarie
Sjtom Toeval sjteit es nömmer 47 in de 3de hauf finale op 25 Jannewarie
Infermase euver ‘t sjtömme via SMS volg bènnekort.

Mee infermase euver ’t LVK en ein euverzich van alle 60 leidjes die door zeen nao de hauf-finales van ’t LVK 2019 is te venje op de websait van Stichting LVK.

Foto: VastelaovendZitterd-RBZitterd