Veurronje Tiener Vastelaovesleidjes Konkour 2019

2019 Meziek

Zaoterdig 24 November e.k. is vanaaf 20.22oere in ’t Forum in Zitterd (Engelekampsjtraot) de veurronje van ’t Tiener Vastelaovesleidjes Konkour (TVK). De entree is gratis.

’t TVK is de zuiktoch nao ’t beste Tiener Vastelaovesleidje van Limburg veur de tienesj van 14 pés 19jaor. Kenmerkend veur ’t TVK is de vernuujende Vastelaovesmeziek vol power, ‘beats’ en Up tempo. Meziek veur en door de jeug. De prizzentase is in henj van awt TVK finalis D’r Dustin.
Nao aafloup van de veurronje waere door de zjurie de 14 leidjes bekend gemaak die door gaon nao de finale van ’t TVK. De finale van ’t TVK 2019 is op zaoterdig 9 Fibberwarie in Venray.

Veur Zitterd doon aan ’t TVK mit de veier gezèllige mechelkes van Veier-G mit ’t Marotte Tienerleidje ‘Doe Dao!’.

De veurronje van ’t TVK wurt laif oetgezonje op ’t medium dat de Tienesj altied en euveral bie zich höbbe, namelik via ’t internet. Vanaaf 20.22oer is de veurronje van ‘t TVK te bekieke op de Facebouk pagina van L11 Alaaf.

Mee infermase euver ’t TVK is te vénje op de websait tvk-limburg.nl en op de faceboukpagina (tvk-limburg) van ’t TVK.

Foto: TVK-limburg