Zondig 21 Jannewarie is in ’t Forum Theater aan de Engekampsjtraot de tradisjonele Prinseresepsede resepse van Sjtadsvastelaovesvereiniging De Marotte Zitterd. Dees resepse jeeder jaor meugelik gemaak door de Marotte Senaat. Tössje 13.30 en 17.00 oer is jeederein oetgeneudig om Sjtadsprins León I, dae de aovend teveur is geinsjtalleiert, te filleseteiere mit zien Prinssjap en om same eine toost oet te brènge op de Zittesje Vastelaovend. Van 17.00 pés 17.30oer is eine gezellige naozit.
Saer 2012 véngk de resepse plaatsj in ’t Forum, wo in eine intieme sfeer ein gezellige middig is gegarandeiert. Es vas ongerdeil zal de Marottekapel de resepse muzikaal oploestere mit tradisjonele Zittesje Vastelaovesmeziek. Wiejer zeen d’r optraes van Basissjool Euverhaove mit ’t Marotte Kenjerleidje ‘Konfetti’, Sterre mit ’t Marotte Tienerliedje ‘Veer gaon d’r veur’ en zéngk Gein Haor Baeter de Marotte sjlaager ‘Veer zeen Zitterd’
Veur de kenjer is een apaarte ruumte mit volop annemase, zie kenne zich onger angere laote sjminke en versjèllende sjpelkes sjpele. Nao aafloup wurt jeederein verrasj mit ein kleine attensie.
Bron: De Marotte Zitterd
Foto: Arjan Krijntjes
