‘t Is Veurbiej… ‘t Is Gedaon, mer wat waar ‘t weier sjoon. Kouw mèr väöl sfeer bie de nach van ‘t Auwt Wief en Sjoliere Vastelaovend. Bie ‘t kanon van ‘t Balkon op Vastelaoveszaoterdig eine bomvolle Mert en eine super sfeer. Op zondig trok eine sjitterende Optoch door de sjtraote en op Vastelaovesmaondig trokke de kapelle rondj. Op Vastelaovesdaensdig waar ‘t weier ‘t tradisjoneel Appelesienesjmiete, mer mit nuuj illemente. Daensdigaovend waar veur de eesjte keer ‘t Maske Begrave in ein nuut jeske op ‘t Kloosterplien, dat door väöl luuj woort bezoch.
En toen kwaam toch ech weier ein enj aan de Vastelaovend 2018. Sjtadsprins León I sjtraolde ein gans sezoen langk. Nog mèr ens woort dit jaor duujelik ‘VEER ZEEN ZITTERD’, de Vastelaovend sjitterde in oos Zitterd!!
Pès volgendjaor… Vastelaovend 2019 op 3-4-5 Meert!!
Foto’s: RBZitterd (1, 5, 7, 8, 9, 10) / Arjan Krijntjes (2, 3) / Jos Janssen www.fido2000.nl (6) / L1 (4)
